Fellig, Arthur H.

Fotógrafo austríaco coñecido como Weegee. Comezou o seu labor en The New York Times e na axencia Acme. Entre os anos 1931 e 1935 desenvolveu o seu labor como reporteiro de accidentes e delitos, en colaboración coa policía neoiorquina. A partir de 1947 traballou para Life, Vogue, Look e Harper’s Bazaar, e nos seus últimos anos de vida relacionouse cos escenarios cinematográficos de Hollywood. Publicou Naked City (1945).

Cronología