Fernández Maniero, Enrique

Sindicalista. De oficio mecánico fresador, organizou o Sindicato Metalúrgico adscrito á CNT, no que incorporou boa parte da anterior afiliación uxetista. En 1935, cando era responsable do taller mecánico das Minas de San Finx en Lousame, axudou a pór en funcionamento un Sindicato Minero xunto a Claro José Sendón e o futuro guerrilleiro R. Rodríguez Varela Curuxás. Co golpe militar (1936), refuxiouse nos montes do Confurco ata 1940. En 1942 colaborou cunha rede de espionaxe a prol dos aliados constituída coa colaboración do consulado británico en Vigo.

Cronología