fero -ra

(< lat feru)

adx
Relativo ou pertencente á fera ou ás feras.
adx [ZOOL]
1. Aplícase aos animais salvaxes, especialmente os que teñen capacidade para causar dano ao home ou ao seu gando.
2. Aplícase a calquera animal que presenta as mesmas características ca as feras.
  Sinónimos: feroz. Confrontacións: salvaxe.
adx
Que ou quen ten un carácter moi violento e cruel.

Ex: É unha muller de xenio fero.
adx
Aplícase á discusión, loita ou combate nos que os contendentes poñen moito empeño, furia e paixón.

Ex: A pelexa entre os boxeadores foi tan fera que tiveron que suspendela.
adx
Que ten un sabor áspero e amargo.

Ex: Hai que cocer mellor os grelos para que non sexan tan feros.
adx [HERÁLD]
Aplícase ao animal que ensina os dentes.
s m
Cheiro característico que desprenden algúns animais do monte ou salvaxes.

Ex: Deixa o xabaril en adobo durante máis tempo para quitarlle o fero.
Sinónimos: bravún.

Palabras veciñas