ferritina

Ferroproteína de alto contido en ferro, que regula a absorción de ferro da dieta e o almacena para cando a biosíntese da molécula de hemoglobina o requira. Sintetízase nas células epiteliais da mucosa gastrointestinal e localízase predominantemente no fígado e no bazo, e en case todas as células do corpo. Pódese empregar na marcaxe de antíxenos e anticorpos debido á súa gran densidade electrónica.