Gaceta de Galicia

Publicación bisemanal aparecida en Santiago de Compostela o 26 de maio de 1812. Cesou probablemente en xuño de 1814. Trátase do voceiro da Xunta Superior de Galicia e foi o substituto da “Gaceta instrutiva de la Junta Superior de Galicia” cando esta se trasladou dende A Coruña a Santiago de Compostela. Imprimiuse nos obradoiros tipográficos de Manuel María de Vila. Incluíu, ademais de información xeral, extractos das sesións das Cortes de Cádiz.