Galaicos

Batallóns de voluntarios creados en Galicia en 1873, trala abolición das quintas, para axudar o exército regular a combater as partidas carlistas que operaban nas provincias de Ourense e Pontevedra. O descontento pola falla de pago e o deficiente abastecemento da tropa, deu lugar a que diversos batallóns se sublevaran ao berro de “Viva la República Federal, Intransigente y Social” nas terras de Trives, O Barco e Viana do Bolo a comezos do ano, liderados por Francisco Roca Arderol, un oficial coñecido polas súas ideas republicano-federais. Perseguidos polas tropas regulares comandadas polo capitán xeneral de Galicia, Francisco San Martín, os Galaicos foron derrotados en Verín.