Frouxeira, lagoa da

Ou de Valdoviño Lagoa litoral formada na desembocadura do río Vilar, pechada pola barra areosa da praia da Frouxeira. A lagoa serve de límite ás parroquias de Lago e Valdoviño (concello de Valdoviño) e cobre unha superficie de 0,8 km². Constitúe un importante refuxio de aves mariñas (garzas, parrulos, corvos mariños, gaivotas, etc). Foi declarada Espacio Natural en Réxime de Protección Xeral.