fugacidade

1. s f

   Calidade de fugaz.

2. s f [QUÍM]

   Función termodinámica que substitúe a presión parcial nas ecuacións que tratan de describir o comportamento dos gases reais. Se G 1 e G 2 son as enerxías libres normais dun gas a dúas presións p 1 e p 2 , as fugacidades f 1 e f 2 do gas a estas presións defínense de forma que se cumpra a ecuación G 2 -G 1 =nRTln(f 2 /f 1 ). Para o comportamento ideal a fugacidade é proporcional á presión; en oposición, para o comportamento non ideal a fugacidade non coincide coa presión correspondente. É por isto que, como un gas se aproxima máis ao estado ideal cando a presión tende a cero, a baixas presións a fugacidade practicamente é igual á presión.

Refráns

• As alegrías do Entroido rematan na Coresma.
• Detrás dunha folla vén outra.
• Hoxe moita figura, mañá na sepultura.
• Hoxe na vida, mañá na mortalla: ¡vállache Xuneras para quen un traballa!
• Non hai día que non chegue nin prazo que non se acabe.
• Non hai gozo cumprido, que, así que está logrado, xa está fuxido.
• O mundo é unha escada que uns soben e outros baixan.
• Pasou o santo, pasou a romaría.
• San Miguel das uvas, tarde nos vés e pouco nos duras.
• Todo chega e todo pasa, anque un non saia da casa.
• ¡San Migueliño das uvas maduras, moito me tardas e pouco. me duras!
• ¡San Migueliño das uvas maduras, que tarde nos vés e que pouco nos duras!
• ¡Se dúas veces ao ano viñeras, moIto ben nos deras e moitos favores tamén nos fixeras!