Galicia Solidaria

Semanario editado na Coruña a partir do 29 de xullo de 1907. Cesou a súa edición en decembro de 1908. Exerceu como voceiro do sector republicano e esquerdista de Solidaridad Gallega. Dirixiuno Xosé Rodríguez Martínez. Ademais da información política, incluíu numerosas poesías de destacados autores galegos e o Catecismo solidario, un documento reivindicativo na liña do Catecismo do Labrego de Lamas Carvajal.