Gamow, George

Físico ucraíno. Elaborou un modelo de núcleo atómico que se denominou de fluído nuclear, e enunciou a regra de Gamow-Teller. Estudiou as reaccións termonucleares que teñen lugar no interior das estrelas, elaborou unha teoría neutrínica das supernovas e construíu o modelo das capas para as estrelas xigantes vermellas. Publicou, xunto con Ralph Alpher, o artigo “The origin of chemical elements” (1948), onde desenvolveu a teoría do big bang. Escribiu diversos libros de divulgación entre os que destacan A planet called Earth (1963) ou A star called the Sun (1964).

Cronología