Gehry, Frank Owen

Arquitecto canadense. Naceu co nome de Ephraim Goldberg e en 1947 trasladouse a Los Angeles, onde estudiou arquitectura. Realizou estudios de urbanismo e en 1962 abriu o seu propio estudio. As súas primeiras obras recibiron a influencia de Le Corbusier pero dende a década dos setenta experimentou coa xustaposición de materiais e as composicións xeométricas. Realizou, entre outras obras, o California Aerospace Museum (Los Angeles, 1982-1984), o Vitra Design Museum en Weil-am-Rhein, Alemaña (1987-1989), o Walt Disney Concert Hall en Los Angeles (1989), o complexo de Disneyland París (1990) e o Experience Music Project de Seattle (1999-2000). En España traballou na Villa Olímpica de Barcelona e realizou o Guggenheim Museoa de Bilbao (1990) e a sede social das adegas Marqués de Riscal en Araba. Recibiu o Premio Pritzker en 1989.

Cronología