Girón

Liñaxe nobre que fai remontar as súas orixes a Pelaio Froila, rico home de Afonso V de León. Juan Pacheco Girón e Pedro Girón Pacheco , fillos de Afonso III Téllez-Girón deron lugar a mediados do s XV ás dúas grandes ramas da familia. A fundación por parte de J. Pacheco Girón (1419-1474) de tres morgados subdividiu esta liña en tres novas ramas, os Pacheco, que ostentaron o título de marqueses de Villena; os Portocarrero, que posuíron o de condes de Montijo; e os Girón, condes da Puebla de Montalbán e posteriormente duques de Uceda. O seu irmán, P. Girón Pacheco, deu orixe á rama da familia que ostentou o título de condes de Ureña e, a partir de 1562, o ducado de Osuna. Dunha rama secundaria procedían os marqueses de las Amarillas e os duques de Ahumada, entre os que destacou Pedro Agustín Girón de las Casas (1778-1842).