Görlitz

Cidade do land de Saxonia, Alemaña, situada nas dúas beiras do Neisse (72.700 h [1990]). A cidade esténdese por unha importante vía que transcorre pola chaira xermánica, a través de Zittau, e chega ata Bohemia. É un núcleo industrial, cunha fábrica de vehículos, vagóns de tren, maquinaria e confección. Do seu patrimonio cultural destacan os restos do castelo (s XIV), o edificio da fábrica de cervexa Landskron e a igrexa de San Pedro.