Greenock

Cidade e porto do condado de Strathclyde, Escocia (57.324 h [1981]). Está situada na ribeira dereita do Firth of Clyde, ao NO de Glasgow. Coa actividade portuaria desenvolveuse unha industria importante: construcións navais, maquinaria e industria téxtil de la. Convertida nun importante porto pesqueiro no s XVII, do seu patrimonio cultural destacan o edificio do Custom House e a praza Cathcart.