Guesclin, Bertrand du

Nobre francés, condestable de Francia (1370-1380), duque de Molina e conde de Longueville, de Borja (1366-?) e de Lemos (1369-1370). Armado cabaleiro (1357), loitou xunto ao delfín de Francia e venceu os navarros en Cocherel (1364). Nomeado camarlengo de Carlos V de Francia e capitán das Compañías Brancas, foi enviado a Castela para axudar a Enrique de Trastámara no seu enfrontamento con Pedro I o Cruel. Trala vitoria de Montiel (1369) recibiu de Enrique II o título de conde de Lemos, que lle revendeu ao monarca antes de regresar a Francia (1370). Foi soterrado en Saint Denis con honores reais.

Cronología