Gundariz

Antropónimo literario masculino que procede do topónimo de orixe xermánica (actual Gundriz, parroquia de Samos), patronímico de Gonterigo, antigo nome medieval, probablemente formado por *gunde ‘combate’ e rik ‘xefe’. Como personaxe literario aparece personificado en Queixume dos pinos de Eduardo Pondal como un heroe celta galego que foi loitar a Irlanda co gallo de axudar o heroe ossiánico Cairbar.