Hadrosaurus

Xénero de dinosauros da orde dos ornitisquios, medían entre 4 e 15 m de lonxitude, 4 m de altura e aproximadamente unhas catro toneladas de peso. As patas traseiras e a cola eran utilizadas para fuxir dos depredadores, aínda que a maior parte do tempo andaban a catro patas. O cranio e as mandíbulas estaban comprimidas dorsiventralmente e recubertas dun pico córneo, semellante ao dun pato. Tiñan sobre 3.000 dentes, dispostos en distintas fileiras. Habitaron durante o Cretáceo Superior. Existen dúbidas de se poboaron os pantanos de América do Norte, alimentándose de plantas acuáticas ou se pola contra eran animais terrestres e se alimentaban de follas duras de árbores; pola presenza de poderosos molares suponse a segunda hipótese.