hámster

Nome que se dá a diversos mamíferos roedores, da familia dos cricétidos, que comprenden unhas 15 especies, de reducidas dimensións, uns 30 cm de lonxitude nas especies máis grosas, co corpo macizo e arredondado e as orellas, as patas e o rabo curtos. Habitan nas praderías e estepas en refuxios escavados na terra.

Hámster de 21 a 28 cm, de patas e cola moi curtas, grandes ollos escuros, peteiro aguzado e pelame de cor negra, branca ou vermella. Aliméntase fundamentalmente de cereais e outros froitos do campo. Viven nas estepas silvestres e cultivadas das chairas de Europa central e NO de Asia.

Roedor de patas e cola curtas, orellas grandes, longos bigotes, ollos negros e pelame dourado, aínda que existen exemplares albinos. Aliméntanse fundamentalmente de froitas, verduras e sementes. Empréganse como animais de laboratorio e doméstico.