Harper’s Bazaar

Revista publicada en EE UU a partir de 1867. En 1912 foi adquirida por William Randolph Hearst, fundador da Hearst Corporation. Baixo o lema “a muller ben vestida, a mente ben vestida”, dirixiuse ao público feminino de elevado poder aquisitivo. Caracterizada polo seu estilo atractivo e provocador, ofrece un punto de vista sofisticado da beleza e a cultura, con especial atención ao mercado de luxo. Desde maio de 2001, Glenda Bailey é a responsable desta publicación que se edita en 18 países.