Heinze de Lorenzo, Úrsula

Escritora e tradutora. Catedrática de inglés e alemán, en 1968 estableceuse en Galicia e comezou a publicar as súas obras en galego. Colaborou en diversas revistas e xornais alemáns e galegos, como Dorna e A festa da palabra silenciada. Fundadora e presidenta do PEN Club Internacional en Galicia, publicou, entre outras obras, O soño perdido de Elvira M. (1982), Remuíños en coiro (1984), Arredor da muller en 18 mundos (1985), Anaiansi (1989), Mulleres (1991), Culpable de asasinato (1994, Premio Blanco Amor 1993), Confidencias (1992), Ambra (2001) e Torso (2002); ademais dos libros infantís, O buzón dos nenos (1985), Sempre Cristina (1986), A casa abandonada (1987, Premio Merlín, 1986), Xente coma min (1989), Nace un campión (1992) e Quérote (1994). No eido da tradución, cómpre salientar Y no dijo una sola palabra (1972), de Heinrich Böll, e O ponche dos desexos (1991), de Michael Ende.

Cronología