Helmont, Jan Baptista

Químico, fisiólogo e médico belga. Coñecido polos seus experimentos sobre o crecemento das plantas e porque foi o que propuxo formalmente a teoría da xeración espontánea. Descubriu a existencia de fluídos aéreos, que denominou gases, e identificou o dióxido de carbono. Experimentando con area e facéndoa reaccionar con álcali e posteriormente con ácido, demostrou que sempre se conservaba a masa e que en certas reaccións se libera gas, fundamentando a Lei da conservación da masa. Foi o primeiro en aplicar principios químicos nas súas investigacións sobre a dixestión e a nutrición para o estudo de disfuncións fisiolóxicas polo que se considera o pai da bioquímica. Postumamente foi publicado o seu libro de obras completas Ortus medicinae (1648).

Cronología