Heraldo de Vivero

Semanario editado a partir de 17 de febreiro de 1912 en Viveiro. Subtitulouse “Periódico defensor de los intereses del distrito”. Dirixido por Esteban Fernández e Salvador P. Labarta, o 4 de setembro de 1937 sufriu unha interrupción por mor da Guerra Civil; reapareceu o 2 de marzo de 1963 (nº1.329) e cesou novamente en 1966. Na súa terceira época, desde xaneiro de 1968, pasou a editarse en Lugo. Dirixido por Ángel M. Fernández de la Vega, inclúe artigos de carácter local, deportes e colaboracións literarias.