Heródoto

Historiador grego. Exiliado de Halicarnaso por conspirar contra Persia (457? a C), viaxou posteriormente por Asia Menor, Persia, Libia, Exipto e Grecia. Estableceuse en Atenas (447 a C) e despois marchou a Turios, no S de Italia (443 a C). Redactou a súa obra Historias, en nove libros, rexeitando o modelo dos logógrafos, especialmente de Hecateo de Mileto, marcado polos elementos fabulosos ou novelescos. Os primeiros libros ocúpanse dos costumes, lendas, historia e tradicións dos pobos do mundo antigo e os tres últimos das Guerras Médicas. Presentou o desenvolvemento da civilización como un movemento inexorable cara ao enfrontamento entre Persia e Grecia, considerados os centros das culturas orientais e occidentais.

Cronología