Hora, La

Semanario pontevedrés, editado o 15 de maio de 1931 co rótulo “de Izquierdas”. En xuño de 1932 converteuse en voceiro oficioso da agrupación local do PSOE e mantívose ata o 18 de xullo de 1936, só interrompido pola represión desatada logo da Revolución de Asturias. Ata esa data, foi dirixido polo presidente da Sociedad de Tipógrafos (UGT), José Arán; na súa segunda xeira, foi substituído por Ramiro Paz. Nas súas páxinas pódense atopar artigos de destacados dirixentes como J. Gómez Ossorio, deputado nas Constituíntes, A. Guiance Pampín, deputado na Fronte Popular,   Julián Zugazagoitia e Sócrates Gómez.