Huidobro Serna, Vicente

Poeta. Foi un dos introdutores do vangardismo en América Latina. En 1914, no manifesto Non serviam, formulou unha proposta que deu inicio ao creacionismo, co que pretendía elaborar unha arte que non imitara a realidade. En París, entrou en contacto cos poetas surrealistas Guillaume Apollinaire e Pierre Reverdy cos que fundou a revista Nord-Sur e publicou poesía en francés, como Horizon carré (1917), Tour Eiffel (1917) e Hallalli (1918). En Madrid contactou cos ultraístas e en 1918 publicou Ecuatorial e Poemas árticos. Altazor o El viaje en paracaídas (1931) representa a síntese da súa creación poética. Na literatura galega, foi un dos autores que máis influíu na obra poética de Manuel Antonio e Amado Carballo.

Cronología