Hume, David

Filósofo, historiador e economista escocés. A súa filosofía procede do empirismo de J. Locke e do idealismo de G. Benceley. Centrou a súa doutrina no home e proxectou a crítica empirista sobre as ideas de substancia e causalidade, ás que desproveu do seu tradicional sentido metafísico e reduciu a unha mínima coexistencia permanente de impresións sensibles e a unha sucesión reiterada de fenómenos. Considerou que o motor e guía da vida humana eran os costumes, a imaxinación e as paixóns e que os criterios morais radicaban no sentimento, de igual modo que na base da sociedade están os intereses dos cidadáns. Entre as súas obras destacan Treatise of Human Nature (1740), Political Discourses (1752), History of England (1759) e Dialogues concerning Natural Religion (1779).

Cronología