inflorescencia

Conxunto de flores agrupadas. As inflorescencias son de dous tipos: en acio ou indefinidas, se o eixe medra indefinidamente, e cimosas ou definidas, se o eixe remata nunha flor e o crecemento se volve lateral. Unha inflorescencia é simple se as ramificacións do eixe principal son unifloras, e composta se son multifloras. Decote as inflorescencias presentan hipsófilos (brácteas e bractéolas).

Inflorescencia en que o eixe primario e cada un dos secundarios remata nunha flor.