integrador

Que integra.

Aparato ou dispositivo, mecánico ou electrónico, que integra ou totaliza o valor dunha magnitude variable lentamente no tempo, como o caudal dun líquido ou unha corrente eléctrica. Os integradores empréganse nos contadores.

Aparato ou dispositivo, mecánico ou electrónico, destinado ao cálculo de integrais. Os mecánicos poden ser intégrafos ou integrómetros. Os integradores electrónicos poden efectuar a integración directamente sobre un sinal analóxico mediante amplificadores operacionais.

Aparato para determinar o fluxo luminoso mediante unha medida única. Consta dunha esfera de Ulbricht asociada a un fotómetro.