hipopotámido -da

Relativo ou pertencente aos hipopotámidos.

Mamífero da familia dos hipopotámidos.

Familia de mamíferos artiodáctilos, da suborde dos suiformes, que ten o corpo macizo, as extremidades curtas, grosas e tetradáctiles, o rabo curto, comprimido lateralmente, e a cabeza maciza co fociño ancho. Son herbívoros e os dentes incisivos e caninos teñen crecemento continuo. Comprende dous únicos xéneros Hippopotamus e Choeropis, cunha soa especie cada un.