Industria Conservera

Revista mensual editada en Vigo a partir de 1934. Subtitulouse “Órgano de la Unión de Fabricantes de Conservas de Galicia” e incluíu información sobre a situación da industria conserveira española, lexislación industrial, datos económicos e financeiros referidos ao sector e noticias sobre o sector pesqueiro e conserveiro a escala mundial. A súa segunda época iniciouse en xaneiro de 1993. Editada por ANFACO e dirixida por Andrés Barros Dacosta, seguiu unha liña moi semellante á súa primeira época, cun incremento de datos técnicos e entrevistas a representantes do sector.