¹ lancha

Embarcación pequena, a remo ou motor, que se emprega na pesca costeira. Dependendo da especie capturada ou do tipo de arte empregada, recibe o nome de lancha xeiteira, polveira, volanteira, pincheira ou de relinga.

Bote auxiliar que se emprega no tráfico dos portos para transporte de carga ou persoas.

Embarcación que levaban a bordo os navíos e fragatas e, en xeral, os veleiros de certa tonelaxe, e que se empregaba en traballos auxiliares.

Embarcación de pequeno tamaño que se empregaba para traballar coa arte do xeito e coa arte de enmalle para a pesca da sardiña.

Embarcación pequena que portan os grandes navíos e que empregan en caso de naufraxio.

Embarcación de guerra equipada con mísiles.