Liebknecht, Karl

Avogado e político alemán, fillo de W. Liebknecht. Dirixente da esquerda revolucionaria da socialdemocracia, a partir de 1912 foi deputado no Reichstag e organizou unha campaña contra a Primeira Guerra Mundial. Esta actitude provocou a súa expulsión do grupo parlamentario e foi encarcerado. Foi fundador da Liga Espartaquista con Franz Mehring e Rosa Luxemburg. Liberado en 1918, rexeitou formar parte do goberno de Ebert e foi un dos dirixentes da insurrección de Berlín (1919). Foi detido e executado polas tropas do goberno.

Cronología