Lleida

Municipio e capital da provincia de Lleida, Catalunya (112.199 h [2001]), situado á beira do río Segre. O seu relevo articúlase arredor do prepireneo e o clima é continental árido. A base económica é a agricultura extensiva de cereais e o regadío. A industria céntrase na produción vinícola, alimentaria, química e na fabricación de armas. Do seu patrimonio cultural destaca a Seu Vella, declarada Ben de Interese Cultural (BIC, 1918), a igrexa de Sant Llorenç (BIC, 1931) e a Casa do Concello ou Paeria, do s XIII (BIC, 1980).