Logos

Revista relixiosa editada en Pontevedra a partir de xaneiro de 1931. Cesou en marzo ou abril de 1936. Publicada baixo os subtítulos “Revista de cultura relixiosa. Boletín católico mensual”, “Boletín católico mensual” e “Deus Fratresque Gallaeciae”, tivo unha periodicidade mensual, bimensual e trimestral. Foi innovadora polo uso do galego e polos distintos criterios dos seus colaboradores, entre os que houbo mercedarios, escritores da Xeración Nós e intelectuais do Seminario de Estudos Galegos. Marcada por un certo aperturismo social, incluíu contidos de arte, arqueoloxía e poemas.