López de Santa Anna, Antonio

Político e militar. Despois da independencia de México iniciou unha serie de pronunciamentos, entre 1828 e 1832, ata que foi nomeado presidente da República en 1833. Comandou o exército na loita contra a independencia de Texas (1835-1836). Derrotado e capturado polo exército texano na Batalla de San Jacinto, asinou o tratado polo que Texas acadou a súa independencia. Liberado polo presidente de EE UU, Andrew Jackson, volveu a México e frustrou o intento dos franceses de tomar Veracruz (1838). Elixido de novo presidente en 1839, no período 1841-1844 rexeitou a constitución liberal de 1824 e proclamouse presidente con poderes ditatoriais. Volveu á presidencia entre 1846-1847 e 1853-1855.

Cronología