Lores, Marcial

Tipógrafo. Anarquista, integrouse no grupo Ni Dios ni Amo como editor da segunda época do xornal El Corsario. Xunto con Xosé Sanjurjo fundou a Sociedad Cooperativa de Obreros (1887). En 1903 presidiu a Asociación Tipográfica e o Centro de Estudios Sociales Germinal e, ao ano seguinte, La Antorcha Galaica del Libre Pensamiento. En 1906 foi un dos representantes das sociedades de resistencia coruñesas que asinou coa patronal o primeiro convenio colectivo da cidade. Colaborou en La Emancipación, Germinal e La Acción, e escribiu os ensaios Consecuencias del Estado (1896) e Creencia y Ciencia (1905).

Cronología