Luís XII de Francia

Rei de Francia (1498-1515) e duque de Orléans (1465-1498). Casou con Xoana de Francia, filla de Luís XI. Durante a minoría de idade do seu primo Carlos VIII foi un dos líderes da oposición nobiliaria. Prisioneiro entre 1488 e 1491, foi liberado polo rei e acompañouno na expedición a Italia (1494-1495). Sucedeuno en 1498, emprendeu o reforzamento da monarquía mediante a reforma da administración e neutralizou as ambicións da nobreza. Ocupou Xénova e o Milanesado (1499-1501), pero en 1504 Fernando o Católico expulsouno do Reino de Nápoles. Organizou a Liga de Cambrai contra Venecia (1508) pero tivo que deixar Italia pola presión da Liga Santa (1511).

Cronología