mameluco -ca

Relativo ou pertencente aos mamelucos.

Membro dos mamelucos.

Corpo formado por escravos, xeralmente de orixe turca, que constituían a garda persoal dos sultáns de Exipto desde a época de Saladino I. Acadaron o poder a mediados do s XIII, coas dinastías bahrita e burxita, e conservaron o seu dominio ata a invasión do sultán otomano Selim I (1517). Os últimos membros desta milicia foron derrotados por Napoleón (1798) e exterminados por Muḥammad ‘Alī (1811).