¹ medo

1. s m

   Sentimento de inquietude e conmoción psicofisiolóxica que se experimenta ante un perigo concreto que pode ser real ou imaxinario.

   Ex: Sentía medos nocturnos e non podía durmir.

2. s m

   Temor que se ten a que algo poida suceder e que non sexa o esperado.

   Ex: Ten medo á reunión polo que lle poidan dicir.

Refráns

• Coa ola que ferve ningunha mosca se atreve.
• Cumprindo como debes, non tes por que ter medo.
• Máis vale o medo que me tes có pan que me comes.
• Mal ladra o can, cando ladra de medo.
• Medo cobrado, dó dobrado.
• Medo ten o que moito reza.
• Non é o demo tan feo como o pinta o medo.
• O home destemido ten medo de noite polos camiños.
• O medo e a sospeita do pracer son enemigos.
• O medo é grande de corpo.
• O medo é parvo.
• O medo garda a viña e non o que a vendima.
• O medo garda a viña.
• O que mal vive, o medo o persigue.
• O que ten cu de estopa sempre pensa que llo queiman.
• Onde non hai medo non hai vergoña.
• Os mortos non teñen medo aos vivos.
• Ovella farta do seu rabo se espanta.
• Quen di que nunca tivo medo, non espabilou unha vela cos dedos.
• Quen OS paxaros recea, millo miúdo non semea.