2 medo -da

(< lat Medu)

1. adx
  Relativo ou pertencente a Media, aos seus habitantes ou a súa lingua.
2. s
  Natural ou habitante de Media.
[ETN/HIST]
1. adx
  Relativo ou pertencente á tribo meda.
2. s
  Individuo da tribo meda.
3. s m pl
  Tribo irania que poboou unha das rexións antigas de Asia e que lle deu nome. A súa orixe é escura; os anais asirios non ofrecen máis ca noticias indirectas. Herodoto fala de dous monarcas: Deioques, fundador do imperio, e Fraortes, continuador da monarquía. Durante a caída do Imperio Asirio (612 a C), os medos, dirixidos por Ciaxares, tentaron ampliar os seus territorios en dirección ao N e a Asia Menor. Posteriormente, baixo o goberno de Astiaxes (584-555 a C), caeron en poder dos persas. Con todo, exerceron unha considerable influencia étnica e cultural sobre os vencedores.
s m [LING]
Lingua irania que se falaba en Media. A súa presenza documéntase nos préstamos aparecidos en inscricións persas aqueméridas e asirias.

Palabras veciñas