malva

1. [PLANTA]
   1. s f

      Nome común que reciben algunhas especies de plantas dos xéneros Alcea, Lavatera e Malva, da familia das malváceas.

   2. malva de folla redonda [Malva neglecta, Fam das malváceas]

      Planta herbácea bienal ou anual, de follas máis pequenas e redondeadas que a malva maior e de flores tamén máis pequenas e violáceas. Crece nas montañas e en ruínas.

   3. malva de India [Alcea rosea, Fam das malváceas]

      Planta herbácea perenne, duns 2 m de altitude, de follas palmatilobuladas e de flores rosas. Provén de Siria e plántase en xardíns.

   4. malva grande/arbórea [Lavatera arborea, Fam das malváceas]

      Planta herbácea bianual, de 1 a 3 m de altura, leñosa na base, que presenta talos grosos, follas orbiculares, lobuladas con lóbulos pregados en abano e flores lilas ou purpúreas cos nervios máis escuros. Crece espontaneamente en rochedos marítimos e tamén se cultiva en xardíns.

   5. malva maior [Malva sylvestris, Fam das malváceas]

      Planta herbácea bienal ou perenne dun metro de altura aproximadamente, que presenta a base leñosa, follas dentadas, pedunculadas, palmatilobuladas e cruzadas, flores purpúreas ou rosas e froitos pilosos. Ten virtudes béquicas e emolientes.

2. s f

   Flor das malvas.

3. 1. adx

      Que ten unha cor semellante á da flor da malva, entre morado e rosa.

   2. s m

      Cor violeta pálido.

4. malva de olor [PLANTA]

    malvela.

Refráns

• A malva, collela e non regala; a herba, regala e non collela.
• Nin de malva bo vencello nin de mozo bo consello.