mandeísmo

Doutrina de carácter gnóstico e dualista que profesa a seita dos mandeos, coñecidos tamén por nazarenos ou cristiáns de San Xoán. A súa orixe puido establecerse en Transxordania e no s I ou II evolucionou baixo unha influencia gnóstica e maniquea. Defenden que a alma humana permanece aprisionada no corpo e é perseguida polos demos pero ao final será liberada por Manda da Hayyé ou Coñecemento de Vida. Dos escritos mandeos conservados destaca Ginzà.