Marco Antonio

Xeneral e político. Loitou en Galia (54-50 a C) baixo o mando de Caio Xulio César, con quen comandou as tropas na Batalla de Farsalia (48 a C). Desde o 44 a C compartiu consulado con César e tralo asasinato deste, formou parte con Augusto e Marco Emilio Lépido do Segundo Triunvirato (43 a C), co que concluíu a República Romana. Protagonizou unha violenta represión en que morreu Marco Tulio Cicerón e derrotou os asasinos de César, preto de Filipos (42 a C). Despois de renovar o triunvirato quinquenal (38 a C), do que se excluíu a Lépido en 36 a C, repartiu con Augusto o control do Imperio Romano mentres Antonio quedou coa parte oriental. Casou coa irmá deste, Octavia, pero ao seu regreso a Exipto, renunciou a ela por Cleopatra VII. Baixo a influencia de Cleopatra VII transformouse nun príncipe cada vez máis asiático. Desde Roma iniciouse entón unha campaña encabezada por Augusto para desprestixialo e tivo lugar unha guerra cando en 34 a C proclamou a Cesarión (fillo de Cleopatra VII) como o seu herdeiro e dividiu Oriente entre Cleopatra e os seus fillos. En 31 a C as tropas de Marco Antonio e Cleopatra VII foron derrotadas na Batalla de Accium e a parella tivo que refuxiarse en Alexandría. En 30 a C, crendo que Cleopatra se quitara a vida, suicidouse ao conquistar Augusto a cidade.

Cronología