Mariño/Mariña

Antropónimo que procede do nome latino Marinus/Marina, forma talvez derivada de Marius ou do adxectivo latino marinus ‘mariño’. A forma feminina era moi frecuente na Idade Media. Santa Mariña é patroa dos concellos das Neves, Cambados, Xinzo de Limia e Teo, onde a celebran o 18 de xullo, e é titular de 97 parroquias. San Mariño celébrase o 3 de setembro. Presenta a variante Marino.