Maruxa

Semanario estudantil publicado en Santiago de Compostela a partir do 1 de abril de 1917. Cesou o 2 de decembro de 1917 (nº35). Imprimiuse nos obradoiros tipográficos de Rivera. Fundado e dirixido por Marino López Blanco e Posada-Curros, redactor xefe, apareceu co subtítulo de “Semanario escolar” e co lema “Literatura, ciencias y artes. Incansable labor de cultura”. Incluíu artigos literarios e chegou a organizar uns xogos florais.