Megara, escola de

Escola filosófica que agrupou diversos pensadores dos ss V e IV a C, que interpretaron a doutrina socrática seguindo o exemplo de Euclides de Megara e a escola de Elea, e identificaron o seu concepto do ben co concepto do ente único de Parménides e Zenón. Os representantes máis coñecidos desta escola foron, ademais de Euclides, Eubulides de Mileto, Diodoro Cronos e Estilpón de Megara.