mentraste

Planta herbácea, de ata 60 cm de altura, que ten un cheiro forte ao fretala. Presenta talos e follas pilosos ou tomentosos, as follas son sésiles ou curtamente pecioladas, ovadas, obtusas, moi rugosas e de envés algo abrancazado, e as flores son brancas ou rosáceas dispostas en espigas alongadas, frecuentemente varias, formando en conxunto unha inflorescencia ramificada. Florece de xuño a setembro en lugares nitrificados e secos e emprégase como dixestivo, tónico e estimulante.