mergo

Ave da familia dos anátidos, que presenta pico longo e afiado cos bordos en forma de serra, que poden habitar en augas doces, aínda que prefiren as salgadas.

Ave de aproximadamente 58 cm de lonxitude, que presenta patas e peteiro vermellos. As femias teñen a plumaxe marrón e branca, e os machos negra e branca, a cabeza verde e o papo dourado. Aniña no N de Europa, pero na Península Ibérica é unha invernante frecuente entre os meses de novembro a marzo, e pódese atopar ao longo de toda a costa galega.

Anátido de aproximadamente 40 cm de lonxitude. A plumaxe é branca e negra, pero a femia diferénciase do macho porque ten a parte superior da cabeza castaña e dorso cinsento. En Galicia, aínda que é excepcional a súa presenza, pode observarse no litoral e en encoros e lagoas do interior.

Ave de aproximadamente 66 cm de lonxitude, que presenta cabeza verdosa e plumaxe gris na parte posterior do lombo e negra e branca o resto no macho, e cabeza castaña e plumaxe agrisada na femia. Aniña no N de Europa, aínda que é raro que inverne en Galicia.