migalla

1. s f

   Anaco moi pequeno de pan ou de calquera outro alimento, en especial o que está feito con fariña, que se desprende ao partilo.

   Ex: Deixoume o coche perdido de migallas do bocadillo.

   Sinónimos: faragulla, frangulla, miga, migallo, mingalla.
2. s f

   Porción moi pequena dunha cousa concreta ou abstracta. Na tradición oral recóllense ditos como: ‘Quen non traballa non ten migalla ’.

   Ex: Bótame unha migalla dese xamón. Non ten migalla de parvo.

   Sinónimos: chisca, chisco, miga, migallo, mingalla. Confrontacións: pinga.
3. s f

   Restos ou desperdicios que quedan de algo.

   Sinónimos: migallo, mingalla.

Frases feitas

• Esperar/ agardar unha migalla. Esperar un pouco de tempo.

• Unha migalla de nada. Moi pouco.