Morrazo

Semanario publicado en Marín a partir do 2 de xaneiro de 1916. Cesou o 1 de outubro dese ano. Editado nos obradoiros tipográficos de Celestino Peón, en Pontevedra, subtitulouse “Semanario de información” e estivo fundado e dirixido por Raimundo Vidal Pazos. De tendencia liberal, foi un xornal preocupado polos problemas locais, e ofreceu información sistematizada dos concellos de Cangas, Bueu, Moaña e Marín.